მიმდინარე წლის 10 ივნისს, ონლაინ რეჟიმში, შედგა ახალი უმაღლესი სასწავლებელი – ნიუუნის ადმინისტრაციის შეხვედრა აკადემიურ და მოწვეულ პერსონალთან. რექტორმა, პროფესორმა თამარ გარდაფხაძემ შეაჯამა 2023-2024 სასწავლო წელი, ისაუბრა საგანმანათლებლო სივრცეში არსებულ სიახლეებსა და გამოწვევებზე; ხარისხის უზრუნველყოფის სამსახურმა პერსონალს გააცნო სასწავლო წლის მანძლზე განხოციელებული მონიტორინგისა და გამოკითხვების შედეგები, იდენტიფიცირებული საჭიროებები და მათი დაძლევის გზები; საერთაშორისო ურთიერთობების სამსახურმა წარადგინა ინფორმაცია საერთაშორისო პარტნიორობის ფარგლებში არსებულ სიახლეებსა და პერსპექტივებზე; სამეცნიერო-კვლევითი ცენტრის ხელმძღვანელმა პერსონალს მიაწოდა ინფორმაცია ელექტრონული სამეცნიერო მონაცემთა ბაზებით სარგებლობის მნიშნელობის, მკვლევართა მიერ სტატიების გამოქვეყნების უფასო შესაძლებლობებისა და აფილირებული პერსონალის წამახილისებელი მექანიზმების თაობაზე.
საინტერესო დისკუსია გაიმართა განხილულ საკითხებთან მიმართებით.
კომენტარები