COVID-19-ის წინააღმდეგ ბრძოლის პროცესში პერსონალურ მონაცემთა დამუშავება

მონაცემთა დაცვის კანონმდებლობა პანდემიის ან სხვა რაიმე საგანგებო სიტუაციის დროს არ აბრკოლებს აუცილებელი ინფორმაციის გაზიარების პროცესს, თუმცა არანაკლებ მნიშვნელოვანია, როგორც ჯანმრთელობის დაცვაზე პასუხისმგებელმა უწყებებმა, ასევე, საჯარო და კერძო დამსაქმებლებმა იცოდნენ თუ როგორ და რა დოზით შეიძლება პერსონალური, მათ შორის, ჯანმრთელობის მდგომარეობის შესახებ ინფორმაციის გაზიარება. ჯანდაცვის დაწესებულებების მიერ მონაცემთა დამუშავება საზოგადოებრივი ჯანდაცვის დაწესებულებები, მოქმედი კანონმდებლობის საფუძველზე, აგროვებენ და ამუშავებენ სხვადასხვა პერსონალურ მონაცემებს, რაც აუცილებელია ჯანმრთელობის დაცვის სისტემის მართვისა და ფუნქციონირებისთვის. ვირუსის გავრცელების წინააღმდეგ ბრძოლის პროცესში, ჯანდაცვის დაწესებულებებს  უწევთ ინფიცირებულ ან/და შესაძლო ინფიცირებულ პირთა შესახებ მეტი მოცულობით მონაცემების შეგროვება, ვიდრე სტანდარტულ შემთხვევებში (მაგალითად, აგროვებენ ინფორმაციას მოქალაქეთა საზღვარგარეთ მოგზაურობის, სამუშაო ადგილის, ახლო კონტაქტში მყოფი პირების შესახებ), რაც არსებული საჭიროებიდან გამომდინარეობს და არ ეწინააღმდეგება კანონმდებლობას. პანდემიის შესახებ საზოგადოების ინფორმირებისა და სამედიცინო კონსულტაციების გაწევის მიზნით, დასაშვებია საინფორმაციო შეტყობინებების გაგზავნა სატელეკომუნიკაციო და თანამედროვე ტექნოლოგიების საშუალებით. გასათვალისწინებელია, რომ ასეთი სიტუაციების დროს, იზრდება შეცდომაში შემყვანი და ე. წ. ,,თაღლითური შეტყობინებების“ მიღების რისკი. შესაბამისად, მნიშვნელოვანია, მოქალაქეები დაეყრდნონ მხოლოდ ოფიციალური ორგანოებიდან მიღებულ ინფორმაციას. ვირუსით ინფიცირებულ, შესაძლო ინფიცირებულ ან/და მათთან კონტაქტში მყოფ პირთა ვინაობის (სახელის, გვარის) საჯაროდ გავრცელება, როგორც წესი, აუცილებელი არ არის და საზოგადოებრივი ინტერესის დასაკმაყოფილებლად საკმარისია მათ შესახებ არაიდენტიფიცირებადი ფორმით ინფორმაციის გავრცელება (მოქალაქეობა, ეთნიკური კუთვნილება, ასაკი, სამუშაო ადგილი, მათი გადაადგილების მარშრუტი და ა.შ.). აღნიშნულ პირთა ვინაობის შესახებ მონაცემების გასაჯაროება და მესამე პირთათვის გამჟღავნება დასაშვებია იმ მოცულობითა და იმ ფარგლებში, რაც აუცილებელია დაავადების პრევენციის, კონტროლისა და მართვისათვის. დამსაქმებელი ორგანიზაციების მიერ დასაქმებულთა მონაცემების დამუშავება დასაქმებულთათვის უსაფრთხო გარემოს უზრუნველყოფის პარალელურად, დამსაქმებლები ცდილობენ შეინარჩუნონ საქმიანობის უწყვეტობა. კანონმდებლობის თანახმად, დამსაქმებლებს დასაქმებულთა დაინფიცირების შესახებ ინფორმაციის შეგროვება შეუძლიათ დასაქმებულთა ნების მიუხედავად, თუ ეს ემსახურება უსაფრთხო შრომითი გარემოს უზრუნველყოფას ან/და ემსახურება ჯანმრთელობის დაცვის სისტემის მართვას. დასაშვებია დამსაქმებელმა შეაგროვოს შემდეგი ინფორმაცია: დასაქმებული სტუმრობდა თუ არა ვირუსის გავრცელების მაღალ რისკის შემცველ ქვეყანას, აქვს თუ არა დასაქმებულს ვირუსის სიმპტომები, ჰქონდა თუ არა კონტაქტი ვირუსით დაინფიცირებულ პირ(ებ)თან. დასაქმებულის დაინფიცირების შესახებ ეჭვის შემთხვევაში დამსაქმებელმა უნდა მიმართოს შესაბამის ჯანდაცვის უწყებას და დაექვემდებაროს მის მითითებებს. დამსაქმებლის მიერ, დასაქმებულის დაინფიცირების შესახებ, ინფორმაციის სხვა დასაქმებულებისათვის გამჟღავნება დასაშვებია, თუ ეს აუცილებელია დასაქმებულთან კონტაქტში მყოფი პირების გამოსავლენად ან/და ვირუსის შემდგომი გავრცელების პრევენციისთვის. მოპოვებული მონაცემები დამსაქმებელმა უნდა შეინახოს იმ ვადით, რაც აუცილებელია მის კომპეტენციას მიკუთვნებული ღონისძიებების განხორციელებისთვის. შემდგომ ეს მონაცემები უნდა წაიშალოს, განადგურდეს ან შენახულ იქნას პირის იდენტიფიცირების გამომრიცხავი ფორმით. დისტანციური სწავლება და შეხვედრები დისტანციურ სწავლებაზე გადავიდნენ საგანმანათლებლო დაწესებულებებიც (სკოლები, უნივერსიტეტები), ასევე ხშირია დისტანციურად შეხვედრების გამართვის პრეცედენტები. სოციალურ ქსელებში ვრცელდება ონლაინ სასწავლო პროცესის, ონლაინ შეხვედრების ამსახველი (მათ შორის, იუმორისტული) ფოტო–ვიდეო მასალა. ონლაინ შეხვედრების, ონლაინ–სწავლების ამსახველი მასალა (ფოტო, ვიდეო გამოსახულება) წარმოადგენს პირის პერსონალურ მონაცემებს, რაც უნდა იქნეს გათვალისწინებული მათი გასაჯაროებისას. არასრულწლოვნის მონაცემების ინტერნეტში ყველასთვის ხელმისაწვდომი ფორმით გასაჯაროებამ შესაძლოა არასასურველი ზეგავლენა მოახდინოს არასრულწლოვანზე (გახდეს ბულინგის ან სხვა სახის არასასურველი მოპყრობის ობიექტი). შესაბამისად, საგანმანათლებლო დაწესებულებები, ამ დაწესებულებებში დასაქმებული პირები, ასევე, არასრულწლოვანი პირების მშობლები და ოჯახის წევრები, მეტი პასუხისმგებლობით უნდა მოეკიდონ ბავშვების მონაცემების გასაჯაროებას და იმოქმედონ არასრულწლოვნის საუკეთესო ინტერესების გათვალისწინებით. დისტანციური შეხვედრებისათვის გამართვისათვის, შეგიძლიათ გამოიყენოთ თანამედროვე კოლაბორაციული კომუნიკაციის სისტემები (მაგალითად, Webex, Zoom, Teams და ა.შ.). დისტანციურად მუშაობისას მონაცემთა დამუშავება ორგანიზაციათა უმეტესობამ უკვე მიმართა დისტანციურად მუშაობის რეჟიმს. თანამედროვე ტექნოლოგიებმა დისტანციურად მუშაობა მარტივი გახადა, თუმცა ასეთ დროს დღის წესრიგში დგება სამსახურებრივი ინფორმაციის კონფიდენციალობის დაცვისა და უსაფრთხოების საკითხი. დისტანციურად  მუშაობისას გასათვალისწინებელი გარემოებები: ü  სახლიდან დისტანციურად მუშაობისას სასურველია გამოყენებულ იქნეს სამსახურის კომპიუტერი; ü  თუ საჭიროა სახლის კომპიუტერიდან სამსახურის კომპიუტერში დისტანციური წვდომის საშუალებებით შესვლა, ამისათვის აუცილებლად უნდა იქნეს გამოყენებული თანამედროვე და განახლებული პროგრამები; ü  საკუთარ კომპიუტერში რეგულარულად უნდა განახლდეს ოპერაციული სისტემები

Read More

COVID-19-ის წინააღმდეგ ბრძოლის პროცესში პერსონალურ მონაცემთა დამუშავება

მონაცემთა დაცვის კანონმდებლობა პანდემიის ან სხვა რაიმე საგანგებო სიტუაციის დროს არ აბრკოლებს აუცილებელი ინფორმაციის გაზიარების პროცესს, თუმცა არანაკლებ მნიშვნელოვანია, როგორც ჯანმრთელობის დაცვაზე პასუხისმგებელმა უწყებებმა, ასევე, საჯარო და კერძო დამსაქმებლებმა იცოდნენ თუ როგორ და რა დოზით შეიძლება პერსონალური, მათ შორის, ჯანმრთელობის მდგომარეობის შესახებ ინფორმაციის გაზიარება. წაიკითხეთ ვრცლად

Read More

ახალი უმაღლესი სასწავლებლი გადასულია დისტანციური მუშაობის ფორმაზე

ქვეყანაში შექმნილი ობიექტური გარემოებიდან გამომდინარე, ახალი უმაღლესი სასწავლებლის ადმინისტრაცია, აკადემიური/მოწვეული პერსონალი,სტუდენტები გადასულია დისტანციური მუშაობის ფორმაზე. 18 მარტს თანამედროვე ინფორმაციული ტექნოლოგიების გამოყენებით გაიმართა ახალი უმაღლესი სასწავლებლის ადმინისტრაციის სამუშაო თათბირი, რექტორის, პროფესორ თამარ გარდაფხაძის ხელმძღვანელობით, რომლის მუშაობაშიც ჩართული იყო ნიუუნის ადმინისტრაციის მთლიანი შემადგენლობა. თათბირზე განხილულ იქნა მიმდინარე აქტუალური საკითხები; აზრთა ურთიერთშეჯერების შედეგად დაისახა შემდგომი მუშაობის სტრატეგიები. აღნიშნული…

Read More

ახალ უმაღლეს სასწავლებელში 16 მარტიდან ელექტრონული სწავლება დაიწყო.

ელექტრონული სწავლების საერთაშორისო მოდელი უახლეს ტექნოლოგიებზეა დაფუძნებული. სასწავლო მასალა და ელექტრონული ლექციები ყველა სტუდენტისთვის არის ხელმისაწვდომი. ყველა საგანი, რომელიც ამ სემესტრში იყო დაგეგმილი, სტუდენტებს სასწავლო ცხრილის ცვლილების გარეშე ელექტრონულად მიეწოდებათ. 16 მარტიდან  ნიუ უნის სტუდენტები სახლიდან გაუსვლელად სრულყოფილად ჩაერთვებიან აკადემიურ პროცესში, ლექციები ჩატარდება ონლაინ რეჟიმში, სადაც სტუდენტები სახლიდან დარეგისტრირდებიან, შევლენ სისტემაში და მოისმენენ ლექციას. ახალი…

Read More

ახალ უმაღლეს სასწავლებელში 16 მარტიდან ელექტრონული სწავლება დაიწყო.

ახალი უმაღლესი სასწავლებელი, ქვეყანაში COVID-19-სთან (კორონავირუსი) დაკავშირებული სიტუაციის გათვალისწინებით, სააუდიტორო მეცადინეობებს ა/წ 1 აპრილამდე აჩერებს. 16 მარტიდან სასწავლო პროცესი განხორციელდება საპილოტე რეჟიმში, საკომუნიკაციო ტექნოლოგიებისა და ინტერნეტის ქსელის გამოყენებით. სასწავლო პროცესის აღდგენამდე, სტუდენტები ელექტრონული ბაზის მეშვეობით მიიღებენ სალექციო კურსების ვიდეოვერსიებს/პრეზენტაციებს, ლიტერატურასა და დამხმარე მასალებს. სასწავლო პროცესის განახლების შემდეგ, პრაქტიკული მეცადინეობები/ჯგუფში მუშაობები, დაჩქარებული წესით, დამატებით ჩატარდება საკონსულტაციო…

Read More

შემოთავაზება ახალი უმაღლესი სასწავლებლის სტუდენტთათვის

გთავაზობთ, აკადემიური ინგლისური ენის კურსებს 2020 წლის ზაფხულში (ივლისი)სტუდენტთათვის,რომელთაც აქვთ A2, B1, B2, C1-დონე.
კურსების მიმდინარეობს 4 კვირის მანძილზე (ყველა დონისთვის) სამუშაო დღეებში 09:00-დან 14:30-მდე.

Read More