ანაზღაურებადი სტაჟირება სტუდენტებისთვის

ანაზღაურებადი სტაჟირების პროგრამა განკუთვნილია მე-4 კურსის ან/და მაგისტრატურის სტუდენტებისთვის, ვისაც აინტერესებს ბიზნესკომპანიაში მუშაობა, ბიზნესპროექტების კეთების და მართვის პროცესში მონაწილეობა, ცალკეული პრობლემების გადაწყვეტა, ბიზნესისთვის დაფინანსების მოძიება, ბიზნესმოდელების აწყობა.

სტაჟირების პროგრამის მონაწილე 2022 წლის ივნისში, ივლისსა და აგვისტოში იმუშავებს მართვის კომპანია GGM-ის თბილისის და ბათუმის ოფისებში, მშრალი ხილის საწარმოში (ქედა), სამშენებლო კომპანიაში (ბათუმი), რესტორანში (ბათუმი) და სხვა კომპანიებში/პროექტებში, რომლებსაც მართავს GGM.

სტაჟირების პროგრამის პერიოდი – 3 თვე. სტაჟიორის ანაზღაურება თვეში შეადგენს 500 ლარს.

ქალაქგარეთ სტაჟირების პერიოდში სტაჟიორს აუნაზღაურდება მგზავრობის და ცხოვრების ხარჯი.

GGM შეარჩევს 6 სტაჟიორს, რომელთაგან არანაკლებ სამი, სტაჟირების პროგრამის დასრულების შემდეგ (სექტემბერი, 2022) გახდება GGM-ის გუნდის წევრი (თბილისში).

ანაზღაურებადი სტაჟირების მსურველებს, კომპანიის შესახებ ინფორმაციის მიღება შეუძლიათ GGM-ის ვებგვერდიდან www.ggm.ge.

დაინტერესების შემთხვევაში mikheil@ggm.ge-ზე გამოაგზავნეთ CV და სამოტივაციო წერილი.

მართვის კომპანია GGM-ის და სტაჟირების პროგრამის შესახებ ინფორმაციის დაზუსტება, შესაძლებელია შემდეგ ნომერზე: 555 21 65 25 (მიხეილ ნაკაშიძე).

განაცხადები მიიღება 2022 წლის 17 მაისს, 17:00-მდე.

სტუდენტთა მხარდაჭერისა და კარიერული განვითარების ცენტრი გისურვებთ წარმატებას