თვე: სექტემბერი 2022

ახალი უმაღლესი სასწავლებელი-ნიუუნის სტუდენტებისთვის სასწავლო პროცესის მართვის სამსახურის ინიციატივით შედგა საინფორმაციო შეხვედრა, რომელზეც განხილული იყო ინფორმაცია სასწავლო კურსის სილაბუსის, სწავლის შედეგების, მათი მიღწევის დონის შეფასების/შეფასების სისტემის, აპელაციის პროცედურების შესახებ.

ა/წ 25 სექტემბერს, ნიუუნის სტუდენტთა თვითმმართველობის ინიციატივითა და სტუდენტთა მხარდაჭერისა და კარიერული განვითარების ცენტრის ხელშეწყობით მოეწყო ექსკურსია პირველკურსელთათვის მარტყოფის (ღვთაების) მამათა მონასტერში. სტუდენტებმა მოილოცეს მონასტერი, ხელთუქმნელი ხატის სახელობის ტაძარი და წმინდა ანტონ მარტომყოფელის კოშკი და სვეტი.

გილოცავთ ჩვენს სტუდენტებს, პროფესორ-მასწავლებლებს 2022-2023 სასწავლო წლის დაწყებას. გულითადად გისურვებთ წარმატებას!
დიდი წარმატება სწორი არჩევანით იწყება!

2022 წლის 10-14 ოქტომბერს  ახალი უმაღლესი სასწავლებელი-ნიუუნი, ერასმუს + მობილობის  ხელშეკრულების ფარგლებში,  უმასპინძლებს ნიკოლაუს კოპერნიკის უნივერსიტეტის  ტორუნში წარმომადგენელს – ბატონ არანკა იგნასიაკ-შულცს. ბატონი არანკა იგნასიაკ-შულცი, პერსონალის მობილობა სწავლებისათვის ფარგლებში წაიკითხავს ლექციებს თემაზე: თანამედროვე კრიზისების ეკონომიკური და სოციალური შედეგები ცენტრალურ და აღმოსავლეთ ევროპაში.

თიბისის თბილისის ფილიალი იწვევს ანაზღაურებად სტაჟირებაზე ბიზნეს დაკრედიტების მიმართულებით.
პროგრამის ფარგლებში სტაჟიორები ისწავლიან:
საბანკო პროდუქტებსა და პროცედურებს;
მომსახურების სტანდარტებს;
შეიძენენ გაყიდვების უნარებს და გამოცდილებას;
ფიქსირებული ანაზღაურების გარდა, ექნებათ შესაძლებლობა დამატებით გამოიმუშავონ გაყიდვების საკომისიო (ბონუსი)

ძვირფასო პირველკურსელებო, გილოცავთ თქვენს ცხოვრებაში ერთ-ერთ მნიშვნელოვან ეტაპს – სტუდენტობას! გისურვებთ, რომ ახალი უმაღლესი სასწავლებელი – ნიუუნიში გატარებული წლები გახდეს თქვენი წარმატებული მომავლის გარანტი. შეგახსენებთ, რომ ადმინისტრაციული რეგისტრაცია დაიწყება მიმდინარე წლის 1 სექტემბერს და გაგრძელდება 9 სექტემბრის ჩათვლით.